Hapja e llogarisë në Facebook dhe konfigurimi i saj

Nëse ju keni një biznes, kompani, shoqatë apo çfarëdo lloj organizimi dhe dëshironi të zgjeroni hapësirën e marketingut, sigurisht që do të iu duhet një prezencë më e madhe online. Një nga mënyrat e marketingut, është përdorimi i rrjeteve sociale.

Nga rrjetet sociale që përdorët më së shumti tek ne është facebook. Të keni një faqe në facebook ku ju mund të promovoni produktet apo shërbimet të cilat i ofroni, është një përparësi. Mirëpo, ju nuk mund të keni një faqe në facebook nëse paraprakisht nuk keni një llogari të hapur.

Në këtë video trajnim, përveç që mund të mësoni si të hapni një llogari të re në facebook, do të mësoni edhe si të konfiguroni sigurinë e llogarisë tuaj aty.

Ndër të tjera do t’mësoni:

Si të konfiguroni njoftimet për hyrjet e panjohura
Si të konfiguroni autentikimin me dy-faktorë dhe
Regjistrimin e një personi që do t’iu ndihmoj të ri-merrni nën kontroll llogarinë tuaj, në rast se nuk mund t’i qaseni asaj.