Lajmet

Java, C dhe C++ mbesin gjuhët më të popullarizuara në botë sipas Indeksit Tiobe të Shkurtit 2018.

Gjuhët e tjera përfshijnë Python, C# dhe Visual Basic.

Visual Basic po ia del mirë në krahasim me gjuhët tjera, përkundër që Tiobe kishte parashikuar që ajo do të zhdukej në pak vite.

WikiLeaks ka publikuar një grup të informatave në vazhdën e publikimeve “Vault 7”, kësaj radhe në lidhje me një projekt të supozuar të CIAs që i mundësonte agjencisë t’i shndërroj File Serverët Windows në makina të maskuara për sulme kibernetike, të cilat fshehurazi mund t’i infektonin kompjuterët e tjerë brenda rrjetit të caktuar.

Microsoft ka thënë se tashmë janë rregulluar problemet e Windows-it të publikuara nga grupi “Shadow Brokers”. Mjetet e hakimit, me gjasë me origjinë nga NSA, dje kishin dalë online dhe Microsoft ishte në gjendje t’i testoi dhe të konfirmoj se arnimet tashmë janë të gatshme për të gjitha versionet e Windows të cilat i përkrahë. Kjo do të thotë se versionet e vjetra si Windows XP apo Windows Vista mund të jenë akoma të pa-mbrojtura nga të tre rreziqet e publikuara, dhe me gjasë Microsoft nuk do të ofroj arnime për këto versione të Windows-it pasi ato tashmë zyrtarisht nuk përkrahen më nga kompania.

Microsoft iu është përgjigjur shqetësimeve për privatësinë në Windows 10 për gati tash e dy vite, dhe siç duket kompania më në fund e kuptoi mesazhin dhe është përgatitur të veproi. Që nga java e kaluar, Microsoft është duke e përditësuar deklaratën e sajë të privatësisë dhe është duke i publikuar informatat në lidhje me të dhënat që ajo i mbledhë si pjesë e Windows 10. “Për herë të parë, ne kemi publikuar një listë të tërë te të dhënave të mbledhura nga diagnostikimi,” ka shpjeguar shefi Terry Myerson në një postim në blogun e kompanisë. “Ne gjithashtu jemi duke i publikuar edhe detajet nga të dhënat të cilat i mbledhim nga shfrytëzuesit gjatë diagnostikimit, si në nivelin fillestar ashtu edhe në atë të avancuar.”